მომავალ ზაფხულს ერთ-ერთი ყველაზე აქტუალური სატრანსფერო ობიექტი ზლატან იბრაჰიმოვიჩი იქნება. მას უკვე დიდი ხანია ბარსადან აბარგებას უწინასწარმეტყველებენ. ცეცხლზე ნავთის დასხმა კი დავიდ ვილას შეძენა იყო. ესპანელის მოსვლის შემდეგ შვედი ფორვარდის წასვლა ფაქტიურად გადაწყვეტილი ამბავი გახდა.
იბრას აქვს რამოდენიმე სარფიანი შემოთავაზება, განსაკუთრებით ინგლისიდან. თუმცა როგორც მისი აგენტი ამბობს, შვედი ჯერ არ ჩქარობს გადაწყვეტილების მიღებას:
"ინგლისური ფეხბურთი შესანიშნავი ახალი გამოწვევა იქნებოდა ჩემი კლიენტისთვის, თუმცა ჯეჯრერობით კონკრეტულს ვერაფერს ვიტყვი. იბრას სურს პრემიერლიგაში თამაში, მაგრამ არც ბარსაში გრძნობს თავს უბედურად."-განაცხადა მისმა აგენტმა მინო რაიოლამ.